Heimsókn: Vero Moda HQ í Kaupmannahöfn
Færslan er í boði Vero Moda.
Í maí var ég svo heppin að fá að heimsækja Kaupmannahöfn í fyrsta skiptið, en tilefnið var International PR event í höfuðstöðvum Vero Moda í Köben. Viðburðurinn var ætlaður til að veita alþjóðlegum bloggurum og áhrifavöldum innblástur, og kynna nýja línu Vero Moda sem er nú þegar komin í búðir, og einnig fengum við smjörþefinn af því sem koma skal fyrir AW17. Það var virkilega gaman að fá boð en á viðburðinn mættu bloggarar og áhrifavaldar frá öllum heimshornum, og það var ótrúlega gaman að spjalla við þau öll og kynnast ólíkum menningarheimum.
Okkur Önnu Láru var boðið á viðburðinn fyrir hönd Íslands, en við flugum til Kaupmannahafnar snemma um daginn og fórum beint í hádegismat, svo á listasafn og um kvöldið var svo aðal viðburðurinn sjálfur. Hann var haldin eins og áður sagði í höfuðstöðvum Vero moda í Kaupmannahöfn, en húsið sjálft var eitt það fallegasta sem ég hef komið í, og ég öfunda fólkið sem fær að vinna þar á hverjum degi! Í húsinu var ‘showroom’ þar sem við fengum að sjá það sem er framundan á næstu mánuðum í verslunum Vero Moda!
Eeeelska litapallettuna í Vero Moda Denim línunni! Þessar peysur eru nú þegar mættar í búðir og ég þarf klárlega að næla mér í eina.
.
‘Strappy’ kjólar og bolir eru sérstaklega flottir í sumar, en margir eru í þeim yfir venjulegan stuttermabol – lúkk sem ég á eftir að komast upp á lagið með en finnst virkilega kúl.
.
Ég er svo hrifin af þessari “náttfata” tísku sem er búin að vera svolítið áberandi. Þá er ég að meina skyrtur og buxur sem gætu allt eins verið náttföt til daglegrar notkunar!
.
Við Anna völdum okkur báðar nokkrar flíkur sem okkur fannst standa upp úr! Ég veit við bíðum báðar virkilega spenntar eftir því að þessi hvíta dragt komi í búðir – hún var fullkomin!!
.
Ég er alveg sjúklega spennt fyrir þessari síðu, munstruðu kápu sem á að mæta í verslanir seint í haust. Hversu tilvalin fyrir veturinn sem verður þá framundan? Sé fyrir mér loðkraga við hana yfir hátíðardressin fyrir jólin – síð og fín svo manni verður ekki kalt á fótunum. Bleika skyrtan er líka klárlega á óskalistanum og auðvitað hvíta dragtin!
Það var ótrúlega gaman að fá að heimsækja þetta flotta fyrirtæki í höfuðstöðvum þeirra, og fá ennþá betur að kynnast þeirra sýn og áherslum fyrir næstu mánuði. Nú er ég bara alltof spennt að sjá allt það sem ég skoðaði mæta í búðir!
