Uppskrift: Sumarlegur og hollur kalkúnaborgari

Færslan er ekki kostuð.

Það hefur heltekið mig grillæði þessa dagana. Mig langar helst að grilla allt og mér finnst eins og sumarið komi ennþá fyrr þegar grilllyktin er í loftinu. Í gærkvöldi grilluðum við kalkúnabringur, og ég átti afgang af þeim og gerði dýrindis kalkúnaborgara í hádeginu í dag. Mér datt í hug að deila með ykkur uppskriftinni!

IMG_2433

Kalkúnabringan sem ég notaði var marineruð í teriaky og sesam, og var dásamlega góð. Ég mæli alveg hiklaust með því að skella svoleiðis á grillið, hún hélst mjög safarík! Ég notaði svo nokkra hluti úr ísskápnum í borgarana, en ég rakst á ótrúlega girnilegt mangó í Hagkaup í gær sem mér fannst tilvalið. Ég notaði svo lífskornabollurnar frá Myllunni sem hamborgarabrauð, þær finnst mér svo ótrúlega góðar og aðeins hollari en venjuleg brauð. Ég er búin að vera með æði fyrir mangó-karrý skyrsósunni sem þið sjáið á myndinni. Ég fæ hana í Hagkaup og hún er góð með mjög mörgu, frábær með lax til dæmis! Ég átti lítið stykki af Primadonna ost sem mér finnst ótrúlega góður, svo ég skar nokkrar litlar sneiðar af honum og setti með – ótrúlega gott!

IMG_2439

Þú þarft:

Eldaðan kalkún (eða kjúkling)

Lífskornabollu (eða annað brauð)

Mangó-karrý skyrsósu

1/2-1 lítið avocado

1/4 af mangó

Paprika

Ostur – ég notaði Primadonna

Ég byrjaði á að skera kalkúnabringuna niður í þunnar sneiðar og henda í heilsugrillið mitt. Þegar hann var orðinn heitur í gegn og kominn með grillrendur setti ég svo brauðið í grillið í örstutta stund. Næst tók ég svo neðri partinn af brauðinu úr grillinu, en setti ostinn á efri partinn og leyfði honum að hitna aðeins á opnu grillinu. Ég raðaði svo einu af öðru á brauðið, eins og þið sjáið á myndinni hér að neðan.

namm

Verði ykkur að góðu!

xxx

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: