Nýtt: L’oreal Vernis A L’Huile
Færslan er ekki kostuð. Varan í færslunni var fengin sem sýnishorn.
Nýlega komu á markað virkilega falleg ný naglalökk frá L’oreal. Það sem er sérstakt við þessi naglalökk er að þau innihalda olíu! Eins og þið vitið, þá elska ég olíu, og vil helst bæta olíu við allar mínar snyrtivörur. Ég var því virkilega spennt að prófa, og sérstaklega þar sem glösin eru ein þau fallegustu sem ég hef séð! Naglalökkin koma í ótrúlega mörgum fallegum litum, en ég er svo ótrúlega skotin í þessum númer 116 – Café de Nuit. Hann er fullkominn nude litaður með ferskjulituðum undirtón, sem er akkúrat að mínu skapi. Þetta er fullkominn léttur og fallegur vor og sumarlitur, og ég gat ekki annað en skellt honum á mig í sólinni í dag!
Formúlan í naglalökkunum finnst mér virkilega góð – ég fékk mjög góða þekju með tveimur umferðum af þessum lit, þó svo að hann sé ljós. Oft finnst mér erfitt að fá fallega þekju með ljósum litum eins og þessum, en pigmentin í formúlunni eru ótrúlega flott og þekja mjög vel. Burstinn er líka frábær, hann er með yfir 400 hár og er nógu breiður til að ná yfir alla nöglina í einni stroku. Svoleiðis burstar finnst mér alltaf minnka líkur á misfellum og með þeim fæ ég allra fallegustu áferðina á neglurnar. Yfir lakkið setti ég svo Gel Setter-inn frá Essie, sem er nauðsynjavara á hvert heimili!
xxx
gyðadröfn 