BLACK&GOLD
Þessi titill minnir mig alltaf svo á lagið með Sam Sparro..sem ég fæ reyndar aldrei nóg af! Hugsanlega vegna þess að það er um eina fallegustu og klassískustu litasamsetningu sem ég veit um. Svart og gyllt er eitthvað svo ótrúlega fallegt saman, og svarti liturinn gefur þeim gyllta einhvernveginn ennþá meira edge. Um helgina kíkti ég í I Am í Kringlunni, og fattaði ekki fyrr en ég leit ofan í körfuna mína að eiginlga allir hlutirnir sem ég var búin að velja voru svartir og gylltir! Ég greinilega dregst bara að þeim, enda gullfalleg litasamsetning.
Ég fann mér nokkra gullfallega hluti sem ég ákvað að setja saman á myndum og sýna ykkur. Ég fékk mér fjóra hringi, og tók tvo í stærð M (sem passar á baugfingurinn minn), og tvo í stærð XL (til að passa á vísifingur). Mér finnst svo þægilegt að geta valið svona stærðina á hringum eins og er alltaf í I Am, því þá getur maður ráðið á hvaða fingri maður vill hafa þá, og keypt þá í mismunandi stærðum til að nota á mismunandi fingur!
Ohh keðjur..ekki láta mig byrja að tala um keðjur. Ég elska þær! Ég á í alvöru örugglega fleiri en tíu keðjuhálsmen, öll með mismunandi stórum keðjum og í mismunandi litum. Ég hélt ég myndi deyja þegar ég sá þessa keðju! Svört og mött og fullkomin millistærð!
Allir hlutirnir á myndunum eru úr I Am. Ég elska að kíkja í búðina í Kringlunni því hún er svo björt og flott og maður finnur sér alltaf eitthvað. Ég gæti dundað mér heillengi þar inni að velja fallega fylgihluti, og svo getur maður líka alveg fengið sér nokkra hluti þar sem flest er á mjög góðu verði!
xxx
Færslan er ekki kostuð. Vörurnar í færslunni voru fengnar sem sýnishorn, en valdar af höfundi og endurspegla hans persónulega stíl.
gyðadröfn 
Virkilega fallegt skart – komdu svo endilega með update hvernig þetta endist, detta steinarnir af eftir 2 mánuði? Rispast mattleikinn á keðjunni af? – Tala nú ekki um þegar ykkur bloggurum eru gefin sýnshorn, við viljum gagnrýnina og update 😉
LikeLike
Ótrúlega góður punktur!! Skal koma með update á endinguna 😉
LikeLike