Neglur: Kylie Jenner á Coachella
Ef að þið eruð jafn miklir Kylie Jenner aðdáendur og ég, þá hljótið þið að muna eftir lúkkinu hennar á Coachella. Fyrir þá sem ekki vita er Coachella árleg tónlistar og listahátíð sem er haldin í Coachella dalnum í Colorado eyðimörkinni. Jenner systurnar létu sig ekki vanta á hátíðina í ár, og nokkrum dögum fyrir hana postaði Kylie mynd á Instagram þar sem hún skartaði þessu sérstaka síða blágræna hári. Ég lagði nú ekki í blágræna hárið til að ná lúkkinu hennar, en mér finnst neglurnar hennar líka einstaklega töff, og aðeins meira “do-able” en hárið. Súper langar og ljós-mintugrænar – lúkk sem ég elska!
Naglalakkið sem ég er með heitir Mint Candy Apple og er að sjálfsögðu frá uppáhalds naglalakksmerkinu mínu, Essie. Það er mjög svipað og þetta sem Kylie er með, og liturinn er alveg sjúklega flottur. Seinustu daga er ég búin að fá nokkrar spurningar um hvert ég fari í neglur, en svarið er ekkert, því þetta eru mínar neglur. Þær vaxa alveg ótrúlega hratt, og mér hefur tekist að halda þeim óbrotnum alveg hingað til. Það hentaði því akkúrat að prófa þetta lúkk núna með svona langar neglur! Undir lakkinu er ég með First Base undirlakk frá Essie, og Super Duper yfirlakk.
xxx
Færslan er ekki kostuð. Varan sem um er rætt var fengin sem sýnishorn.
