Bloggið 1. árs: Besta uppskriftin fyrir magann

Alveg frá upphafi hef ég skipt uppskriftunum á síðunni minni niður í tvo flokka, uppskriftir fyrir magann, og uppskriftir fyrir útlitið. Ef þið hafið ekki áttað ykkur á því þá þýða uppskriftir fyrir magann matar-uppskriftir, eitthvað sem maður getur borðað (ekki uppskriftir af möskum til að setja á magann á sér). Þar leynast bæði hollar og óhollar uppskriftir, enda mikilvægt að hafa jafnvægi í lífinu. Í dag er kominn tími til að líta yfir síðasta ár og velja bestu mataruppskriftina sem ég hef gefið ykkur. Það var sko aldeilis ekki auðvelt verk skal ég segja ykkur! Það er ýmislegt sniðugt sem hefur safnast í þennan flokk, en þið getið að sjálfsögðu séð allar færslurnar undir Uppskriftir – Fyrir magann, hér ofar á síðunni. Þær sem náðu næstum því titlinum:

Einföldustu hafrakökur í heimi

Krukkugrautur með banana, kaffi og möndlum

Bananamúffur með grískri jógúrt

Meiri krukkugrautar

En færslan sem vann er greinilega búin að vera vinsæl og ná til margra, því það voru þónokkrir sem minntust á hana í kommentunum við afmælisleikinn, sögðust hafa prófað uppskriftina og að hún væri algjörlega frábær. Ég er líka sérstaklega ánægð með hana sjálf, þar sem hún var mjög lengi í þróun, og ég held ég hafi verið búin að búa til 10 útgáfur áður en ég varð ánægð. Seinasta sumar var semsagt hrákökusumarið mikla, einhver þurfti að borða allar misheppnuðu útgáfurnar.. Færslan sem um ræðir er semsagt uppskriftin af hvítu hrákökustykkjunum mínum – hráköku með kókoskeim.

Færslan eins og ég birti hana upprunalega:

Uppskrift: Hrákaka með kókoskeim

IMG_9447

Ég er búin að fá mjög margar fyrirspurnir um hvítu kökubitana sem eru á myndinni sem ég setti inn seinasta mánudag. Þetta eru hrákökubitar en ég er búin að vera að vinna í að fullkomna uppskriftina seinustu vikur. Er búin að gera endalausar útgáfur en grunnurinn er samt alltaf sá sami. Ég lofaði að deila með ykkur uppskrift þegar ég væri ánægð með hana og held bara að ég sé orðin sátt!

IMG_9680

Þetta er kannski ekkert endilega girnilegasta kaka í heimi..en ljúffeng er hún! Þar að auki er hún töluvert hollari en hin venjulega meðal-kaka, og mér finnst ég bara þurfa smá bita af þessari til að fullnægja kökuþörf dagsins. Ég er alveg sögulega léleg að skera kökuna niður í fallega og jafna bita, en það gerir ekkert til þar sem hún klárast yfirleitt fljótt.

IMG_9250

Uppskriftin er svona:

Botninn

1 bolli möndlur (ég nota smá kasjúhnetur með eins og á myndinni hér fyrir ofan, það er algjörlega valfrjálst)

1 bolli döðlur

Kremið

1/2 bolli kókosolía

1/2 bolli kasjúsmjör (fæst í Bónus)

10 döðlur

1 msk. agave sýróp eða hlynsýróp (má sleppa)

Smá sjávarsalt

Aðferð: Byrjið á að gera botninn með því að setja möndlurnar og döðlurnar í matvinnsluvél og vinna vel saman þannig það verði að einskonar deigi. Deigið á að vera þét og klístrað og allt fast saman, ef að það er þurrt setjið þá bara smávegis vatn samanvið. Mjög mikilvægt að það sé nógu blautt og haldist saman. Klessið deiginu í bökunar, ál- eða eldfast form og dreifið því jafnt og þétt yfir botninn. Mitt form var sirka 15x25cm en því minna form, því þykkari verða bitarnir. Frystið í allavega klukkutíma eða yfir nótt. Til að gera kremið set ég kókosolíuna í matvinnsluvél eða blandara og þeyti hana eins og rjóma þangað til hún er orðin frekar létt í sér. Passið að hita olíuna ekki áður en þið notið hana, takið hana bara beint úr krukkunni sem er búin að standa við stofuhita og byrjið að þeyta. Eftir sirka mínútu bætið þið kasjúsmjörinu, döðlunum, sýrópinu (ef það er notað) og saltinu við og þeytið mjög vel þangað til að kremið er komið með fallega áferð. Dreifið kreminu yfir kældann botnið og frystið aftur þangað til kremið er búið að setjast alveg. Hún geymist best í frysti en það er best að taka hana út aðeins áður en þið ætlið að borða hana svo hún sé ekki alveg frosin. Mér finnst best að eiga alltaf nokkra bita í ísskáp en þeir eru fullkomnir til að borða þá við það hitastig.

xxx

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: