New In: Nike Free Flyknit 4.0
Eins og ég sagði ykkur um daginn er ég búin að vera að leita mér að hinum fullkomnu strigaskóm í nokkrar vikur, og búin að máta endalaust margar týpur. Mig langaði í skó sem ég get bæði notað þegar ég er að hlaupa í ræktinni, og líka bara þegar mig langar að vera í þægilegum skóm dagsdaglega. Þeir eru loksins fundnir! Fyrir valinu urðu Nike Free Flyknit 4.0 í svörtu, og ég gæti ekki verið ánægðari með þá.
Flyknit skórnir voru valdir hlaupaskór ársins í fyrra, svo þeir henta mjög vel í léttari hlaup. Þeir eru að vísu ekki með stuðning við ökklann en gefa góð en gefa fætinum góða dempun við högginu sem kemur þegar maður er að hlaupa. Ég er búin að vera að hlaupa mikið seinustu vikur í ræktinni, en ég er ekki að hlaupa neitt rosalega langt og lengi (ennþá allavega) svo þessir henta mér fullkomlega. Það sem mér finnst allra best við skónna er hvað þeir eru léttir, og yfirbyggingin er úr teygjanlegum þráðum, svo tilfinningin að vera í þeim er alveg eins og að vera í sokk (með botni).
Nike Free Flyknit – nikeverslun.is – 25.606kr
Ég fékk mína skó hjá nikeverslun.is, en ég fór í búðina þeirra að Lynghálsi til að máta og skoða. Það er til fullt af fallegum skóm hjá þeim en ég er alveg ástfangin af mínum, og er varla búin að fara úr þeim síðan ég fékk þá!
xxx
Þessi færsla er ekki kostuð á neinn hátt og allar vörur sem koma fram í henni eru keyptar af greinarhöfundi.
gyðadröfn 