Uppskrift: Krukkugrautur með banana, kaffi og möndlum!

En ein krukkugrautsuppskriftin..ef þið þolið ekki graut vona ég að þið hættið ekki að lesa bloggið, ég er bara búin að vera með svo mikið æði fyrir þeim og endalaust að gera nýjar útfærslur. Meðleigjandinn minn nýtur góðs af tilraununum mínum og er eiginlega orðinn sérlegur krukkugrauts-smakkari bloggsins, og við vorum báðar sammála um að þessi sé klárlega einn af þeim bestu! Svo ég bara verð að deila henni!

IMG_0011

Eins og alltaf eru krukkugrauts uppskriftirnar mjög svo sveigjanlegar, og ykkur er alveg óhætt að sleppa eða skipta út því sem þið eigið ekki til. Um að gera að prófa sig bara áfram og finna út hvað manni finnst best! Persónulega er ég algjör kaffifíkill og svo elska ég allt með banana, svo þessi grautur höfðar mjög mikið til mín. Svo er hann líka fullur af frábærum næringarefnum og algjör orkusprengja! Kaffi er auðvitað algjör orku-booster og bananinn er líka ótrúlega orkumikill, svo þessi grautur er alveg tilvalinn í töskuna á mánudagsmorgnum..reddaði allavega mínum mánudegi! Ég las einhverntímann að maður ætti að borða að minnsta kosti eitt stykki af brasilíuhnetu á dag, því að ein hneta inniheldur nánast 100% af ráðlögðum dagskammt af seleníum, sem er snefilefni sem er ótrúlega mikilvægt fyrir líkamann. Þetta er eitt af því sem ég hef lesið einu sinni og geri alltaf síðan, og bætti þessvegna við einni brasilíuhnetu ofan á grautinn minn.

IMG_1963

Uppskrift fyrir eina krukku:

Grauturinn:

1/3 bolli hafrar

1 espresso eða 25-30ml af sterku kaffi

1/2 dós kaffijógúrt

50ml mjólk (ég notaði möndlu)

1 tsk. chia fræ

1-2 tsk. möndlusmjör

Ofan á og milli:

1/2 banani

Nokkrar möndlur

1stk. brasilíuhneta

Hrærið saman öllum innihaldsefnunum í grautinn. Skerið niður bananann í sneiðar og saxið möndlur og brasilíuhnetu. Hellið helmingnum af blöndunni í krukkuna ykkar og raðið bananasneiðum ofan á og dreifið möndlum yfir. Hellið restinni af blöndunni yfir og raðið afgangnum af banananum ofan á og dreifið afgangnum af möndlunum ykkar og brasilíuhnetunni yfir. Geymið í lokaðri krukku í ísskáp yfir nótt og njótið daginn eftir!

xxx

2 Comments on “Uppskrift: Krukkugrautur með banana, kaffi og möndlum!”

  1. Pingback: Bloggið 1. árs: Besta uppskriftin fyrir magann | gyðadröfn

  2. Pingback: Bloggið 1. árs: Besta uppskriftin fyrir magann | Gyða Dröfn

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: