Uppskrift: Uppáhalds græni djúsinn minn

Ég elska græna djúsa, þeir eru nefnilega svarið við svo mörgu! Alltaf þegar einhver segir við mig til dæmis: “ohh ég er svo þreytt”, eða “æi ég er með hálsbólgu”, svara ég alltaf: “ertu búin að fá þér grænan djús?”. Mjög pirrandi týpa, en ég bara trúi svo mikið á að það sem við borðum geti hjálpað okkur meira en við vitum, og þar koma grænu djúsarnir sterkir inn!

IMG_0437

Þessi græni er minn allra uppáhalds og ef þið eruð ekki aðdáendur grænu djúsanna skora ég á ykkur að prófa þennann. Hann kemur nefnilega á óvart og það er alls ekkert svona “grænt” bragð af honum. Ég elska að nota Nutribullet græjuna hennar mömmu til að töfra fram einn grænann á nokkrum mínútum en það er hægt að nota hvaða blandara sem er.

IMG_0423

Innihaldsefnin eru nokkur, en mér finnst nauðsynlegt að hafa peruna og mangóið sem gera hann sætann á bragðið, og avocadoið gerir hann svona þykkan og “creamy”, namm! Ég notaði frosið mangó í þetta skiptið, en finnst alveg ofsalega gott að nota ferskt ef ég á það til. Ég nota bara vatn sem vökvann í minn drykk en það er mjög gott að nota einhvern blandaðann ávaxtasafa ef þið viljið.

IMG_0442

Í hann fer:

30gr spínat

1/4 stórt avocado eða 1/2 lítið

1/2-1 pera (eftir stærð)

100gr mangó

1-2cm engifer (eftir smekk)

Safi og börkur úr hálfri sítrónu

Smá hunang (ég notaði sirka 1tsk)

1/2 bolli vökvi (ég notaði vatn)

Allt sett í blandara og blandað. Bætið við vökva eftir þörf ef drykkurinn er of þykkur.

IMG_0434

Ef að ég væri veikindabaktería væri ég sko skíthrædd við þennan! Engifer og sítróna eru algjörir bjargvættir þegar kemur að því að vinna á móti bakteríum og hreinsa líkamann. Hunang er svo eins og ég hef áður sagt ykkur bólgueyðandi og sótthreinsandi svo þessi drykkur er til dæmis frábær við hálsbólgu!

IMG_0458

Njótið vel!

xxx

4 Comments on “Uppskrift: Uppáhalds græni djúsinn minn

  1. Pingback: Myndablogg: Instagram uppá síðkastið | gyðadröfn

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: