Uppskrift: Einföldustu hafrakökur í heimi

Hafið þið tekið eftir hvað ég skrifa oft: “í heimi” í titilinn á færslunum mínum. Ég er nefnilega svo mikil ástríðumanneskja að ég missi mig mjög auðveldlega yfir litlum hlutum og finnst þeir það allra frábærasta sem hefur komið fyrir mig. Þessar smákökur fá að falla í þennan flokk. Þær eru nefnilega æði! Þær eru allt í senn einfaldar, bragðgóðar, fljótlegar, og hollar..hvað meira er hægt að biðja um?

IMG_9780

2-3 innihaldsefni er allt sem þarf til að galdra fram þessar dásamlegu hollustu kökur. Það tekur líka enga stund að útbúa þær og það má endilega prófa sig áfram með bragðefni. Í þetta skiptið notaði ég vanillukorn og dökka súkkulaðidropa ofan á en það má nota hvað sem er, t.d. kanil, vanilludropa, kakó, eða önnur bragðefni. Það er líka mjög gott að hræra súkkulaðidropana við deigið og búa til súkkulaðibitakökur, en mér finnst þær alltaf verða fallegri þegar ég raða þeim ofaná. Þær eru æðislegar til að grípa með sér sem millimál eða morgunmat, og eiga í skápunum eftir vinnu.

IMG_9788

Uppskriftin er svona (sirka 8 smákökur):

1 vel þroskaður banani

1/2 bolli tröllahafrar

Bragðefni að vild, t.d. 1-2 tsk. vanilludropar.

Súkkulaðidropar ef vill.

Byrjið á að hita ofninn í 180°. Stappið banana og hrærið höfrunum vel samanvið. Bætið í bragðefnum eða súkkulaðidropum og myndið litlar kökur á bökunarplötu. Athugið að smákökurnar stækka ekki svo ykkur er óhætt að hafa lítið bil á milli þeirra. Bakið í 15mín og njótið!

xxx

4 Comments on “Uppskrift: Einföldustu hafrakökur í heimi

  1. Pingback: Bloggið 1. árs: Besta uppskriftin fyrir magann | gyðadröfn

  2. Pingback: Bloggið 1. árs: Besta uppskriftin fyrir magann | Gyða Dröfn

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: