Að missa mig yfir: Nýju eyrnalokkunum mínum
Það er alltaf jafn gaman þegar það er dinglað og ég fer til dyra og þar stendur pósturinn með pakka til mín. Í þetta skiptið voru það nýju fallegu eyrnalokkarnir sem ég var að bíða eftir! Ég fékk göt í eyrun þegar ég var sirka tveggja ára, semsagt alltaf verið svona mikil pjattrófa..en ég hef ekki notað eyrnalokka dagsdaglega seinustu ár því ég er með svo viðkvæm göt og fæ oft sár eða sýkingar.
Nýju eyrnalokkarnir eru frá Blomdahl sem er sænskt merki sem hannar og framleiðir skartgripi sem eru alveg ofnæmisfríir! Þar sem ég er svo ótrúlega viðkvæm sjálf var ég alveg ótrúlega spennt að prófa og athuga hvort ég gæti farið að vera með eyrnalokka á hverjum degi.
Ég varð sko ekki fyrir vonbrigðum og ekki skemmir fyrir hvað þeir koma í ofboðslega fallegum umbúðum og eru til dæmis tilvalin gjöf ef manni langar að gefa eitthvað fallegt. Ég er búin að vera að nota mína núna í 3 daga, og venjulega verð ég strax frekar pirruð í eyrunum þegar ég nota nýja lokka. En það fyndna var að ég bara steingleymdi að ég væri með eyrnalokka því ég fann ekkert fyrir þessum! Alltaf mjög gaman að líta í spegil og sjá svo hvað maður er fínn með svona fallega eyrnalokka.
Þeir eru til í mörgum litum og gerðum en mér finnst bleiku mínir alveg óendanlega sætir. Get klárlega mælt með þeim fyrir ykkur sem eruð með ofnæmi eða óþol fyrir venjulegum skartgripum og líka bara fyrir alla aðra! Þeir fást í apótekum um allt land og þið getið kíkt á like síðuna þeirra undir Blomdahl Ísland og séð úrvalið!
xxx
